Ұлыстың ұлы күні – әз-Наурыз мектебімізде кеңінен тойланды!

Тарихы терең, тамыры көне заманнан бастау алатын Наурыз – халқымыздың жаңару мен үміттің, бірлік пен берекенің мейрамы. Осы ұлы мейрам аясында мектебімізде «Наурызнама» бағдарламасына сәйкес ауқымды іс-шара ұйымдастырылып, көктемнің шуағындай шаттық пен қуаныш сыйлады.

Мерекелік күн Көрісу күні – Амал мерекесінен басталды. «Жасың құтты болсын!» деп көрісіп, ізгі тілек пен ақ батасын арнаған жандар мектеп ауласын мейірім мен махаббатқа толтырды. Бұл – бауырмалдықтың, кішіпейілділік пен сыйластықтың тамаша көрінісі болды.

Ата-бабамыздың асыл аманатын ардақтау мақсатында ұлттық құндылықтарымыз ұлықталып, салт-дәстүріміз кеңінен дәріптелді.
Ұлттық киімге оранған оқушылар мен ұстаздар мектеп ауласын түрлі-түсті бояуға бөлеп, ұлтымыздың бай мәдениетін көзбен көріп, жүрекпен сезінуге мүмкіндік берді.

Сахналандырылған көріністерде ертедегі ел өмірі мен Наурыздың мән-мағынасы көрініс тапты. Оқушылар қазақтың көне аңыздарын, тұрмыс-салт жоралғы